影片
更多
2011-01-09
17 浏览
照例望完弥撒，照旧同老婆去食恒河，但感觉大不同！以下为食完埋单既一段对话-老板：「多谢$140。」我：「（错愕貎）下？$140？！」老板：「系呀，两个餐饮冻饮嘛！」我：「下我以为一个餐系四十几蚊...（依然错愕）」老板：「（没好气貎）我地而家冇做果个价，都转左好耐（下我两、三个星期冇黎咋㖞！），以后逢星期六、日都系呢个价。报纸呀盛都有报导我一举一动（下你加价报纸都有讲咁大阵仗？！）」老板娘则急急脚去拎个餐牌俾我睇，证明佢地唔系扼人或者将价钱写到细细粒果啲参茸海味舖：「拿你睇，呢度写住$68！」有咩可以做？俾多张一百蚊纸埋单啰。回家途中唔忿气，因为谂极唔明点会加价加咁多，仲要心谂：「超，以为自己米芝莲餐厅咩！」点知上黎一睇，真系...升格固然恭喜，但一次过加八成价？装修冇变野食冇变服务冇变，只系多左个函头就盛气凌人，咀都O埋。（;￣O￣）野食系好食，如果唔系唔会支持咁耐。但多左个名就贵咁多，有冇照顾过我地呢群长期支持既人？有冇咁心急要藉住个名大赚？如果佢本身系咁既价我唔会出声，但同一样既野要我俾多咁多钱去食返我就觉得唔值啰... 重话报纸有报导你一举一动，唉，一朝得志...( *｀ω´)
以下为食完埋单既一段对话-
老板：「多谢$140。」
我：「（错愕貎）下？$140？！」
老板：「系呀，两个餐饮冻饮嘛！」
我：「下我以为一个餐系四十几蚊...（依然错愕）」
老板：「（没好气貎）我地而家冇做果个价，都转左好耐（下我两、三个星期冇黎咋㖞！），以后逢星期六、日都系呢个价。报纸呀盛都有报导我一举一动（下你加价报纸都有讲咁大阵仗？！）」
老板娘则急急脚去拎个餐牌俾我睇，证明佢地唔系扼人或者将价钱写到细细粒果啲参茸海味舖：「拿你睇，呢度写住$68！」
有咩可以做？俾多张一百蚊纸埋单啰。回家途中唔忿气，因为谂极唔明点会加价加咁多，仲要心谂：「超，以为自己米芝莲餐厅咩！」点知上黎一睇，真系...
升格固然恭喜，但一次过加八成价？装修冇变野食冇变服务冇变，只系多左个函头就盛气凌人，咀都O埋。（;￣O￣）
野食系好食，如果唔系唔会支持咁耐。但多左个名就贵咁多，有冇照顾过我地呢群长期支持既人？有冇咁心急要藉住个名大赚？如果佢本身系咁既价我唔会出声，但同一样既野要我俾多咁多钱去食返我就觉得唔值啰... 重话报纸有报导你一举一动，唉，一朝得志...( *｀ω´)
米芝莲，多得你...唔少。
张贴