蔦 (已結業)

Coupon到期日，海港城好似沦陷左咁，好多餐厅未够五点已经打晒蛇饼！呢间平时行过闻到好香，想试好耐，见不足十个人轮候紧就排下啦。点知六点几已经无晒小食，饭类（净返白饭），豚骨汤同照烧鸡...夸张！结果可以选择的只有三款汤底（酱油，盐味及味噌），叉烧数量（一片或四片）同要唔要蛋。计返价钱，即系个叉烧拉面系$98，加只蛋加$15，加多三片叉烧加$36。价钱贵过一般拉面店，唔知系因为米芝莲一星拉面定因为海港城舖租贵，但我都系睇价钱同食物质素既CP值。酱油味玉叉烧拉面 $149盐味味玉拉面 $113卖相正正常常，汤底几清，有洋葱粒同葱丝。未捞匀饮左啖汤，两个汤饮唔出咩分别，反而盐味汤底越嗒只有薄荷叶（？）味。大片叉烧好瘦但唔柴皮，不过切得好薄，最后要赞下只蛋流心同面质弹牙，不过都唔系好独特。宜家做全单八折，另收加一，呢个价钱呢个食物质素我会选择去其他拉面店食，之前做买一送一就差唔多。另外可能太忙，服务态度对比其他日式拉面店就差一大截，根本无服务可言。客人入店无店员理会，等左阵要开声然后店员（望住收银机）都无望过个客，只系指住另一个门口话果度排。落单时店员硬销加饮品，但全程无帮客人加水。另外听