莆田 (美麗華廣場2期) (已結業)

莆田系米芝莲一星餐厅，本来已经略有所闻，不过一直都未有机会食，但今次知道佢做鳗鱼祭，身为鳗鱼控嘅我，见到menu已经流晒口水啦！今晚带阿爸阿妈嚟食饭，两老都非常满意呢度嘅装修光猛，坐得又唔会太逼，服务态度都非常好！前菜嗌咗一个好多人都会食嘅冰镇苦瓜，本来都好奇怪点解呢一味菜咁受欢迎，但系一试就明白啦！冰镇嘅苦瓜非常多汁，配埋佢嘅蜜糖，极滋味！甜而带甘，完全无罪恶感，成碟俾我抢哂黎食煎鳗鱼真系好好味呀！自己加盐同埋柠檬汁，新鲜到真系加少少盐已经好好味！好正呀！身为鳗鱼控嘅我好满意呢碟煎鳗鱼！肉质够爽，冇泥气味，真材实料！呢碗枱枱都有点嘅莆田卤面材料非常丰富！好啱老豆嘅胃口，因为面条好滑好易入口，我都食咗一大碗！扁肉汤对我黎讲只系一碗水饺汤，但饮到一啲醋味，都有啲似台式嘅肉焿汤。烧排骨好正，入口即融！而且味道好到想食白饭老豆食到连骨头都啜咗几下！好啱老人家食荔枝肉系普通嘅咕噜肉，但甜味较普通咕噜肉有层次，而且莆田嘅材料的确系唔错，食咗好多都唔觉有肥肉，无滥充数！炆豆腐系我非常钟意食嘅一味菜，豆腐真系好嫩滑，而且作晒啲酱汁，我一个人都食晒成碟！好耐未食过咁好味嘅炆豆腐！