影片
更多
2022-12-15
1834 浏览
临近年尾又到白松露季节，今次介绍呢间米芝莲3星餐厅既主厨更加系被称为「白松露之王」😹。适逢妈妈生日，我地两个又未食过白松露，所以特意嚟会一会佢！-Dinner Menu 想叫set的话有一个 $2380 既Classic Menu，另外都可以A La Carte 咁叫。但如果想试白松露的话就只有另一个单独既A La Carte Menu。当然有白松露价钱会贵好多，一个Main价钱就差不多贵成一倍啦~ -🎈Bread Basket一篮就有半圆嘅sourdough、脆片同面包条。店员会为你倒上榄榄油，食客可以自行添加醋。Sourdough有麦香，外皮香脆，内里够软熟。好食（可能因为免费所以更加觉得好食😹）！推荐指数: 8.5/10-🎈Amuse Bouche 同级数嘅餐厅都好舍得系餐前小食呢一part去impress你，所以我都好期待，不过换嚟嘅系有少少失望🤏。我哋当日嘅前菜系北海道带子配鱼子酱，底下有少少Cauliflower，再配上Champagne Sauce。好食但就觉得份量少咗啲，好似有少少寒酸🤣。不过毕竟系免费嘅，都冇乜嘢可以批评。推荐指数: 6/10-🎈Marinated L
临近年尾又到白松露季节，今次介绍呢间米芝莲3星餐厅既主厨更加系被称为「白松露之王」😹。适逢妈妈生日，我地两个又未食过白松露，所以特意嚟会一会佢！
-
Dinner Menu 想叫set的话有一个 $2380 既Classic Menu，另外都可以A La Carte 咁叫。但如果想试白松露的话就只有另一个单独既A La Carte Menu。当然有白松露价钱会贵好多，一个Main价钱就差不多贵成一倍啦~
-
🎈Bread Basket
一篮就有半圆嘅sourdough、脆片同面包条。店员会为你倒上榄榄油，食客可以自行添加醋。
Sourdough有麦香，外皮香脆，内里够软熟。好食（可能因为免费所以更加觉得好食😹）！
推荐指数: 8.5/10
-
🎈Amuse Bouche
同级数嘅餐厅都好舍得系餐前小食呢一part去impress你，所以我都好期待，不过换嚟嘅系有少少失望🤏。
我哋当日嘅前菜系北海道带子配鱼子酱，底下有少少Cauliflower，再配上Champagne Sauce。好食但就觉得份量少咗啲，好似有少少寒酸🤣。不过毕竟系免费嘅，都冇乜嘢可以批评。
推荐指数: 6/10
-
🎈Marinated Langoustine ($520)
海螯虾刺身配鱼子酱同北海道海胆，再加上橙味奶油。卖相好精致，但份量比较少。要两个人share的话会有点勉强，不过浅尝一下都ok，毕竟主角都未出场😹。好新鲜味道鲜甜，好食但同样无太大过人之处。
推荐指数: 7/10
-
🎈White Truffle Homemade Tagliolini ($1190)
白松露同parmesan一定系最夹，加上HomemadeTagliolini 意粉。特登问下店员白松露同黑松露既分别，店员就话白松露会比黑松露味道更重一点。上菜既时候店员即场为我地刨上白松露，离远都已经闻到白松露既香气。每一口都充满松露（金钱）既味道，超好食！
推荐指数: 8.5/10
-
🎈White Truffle Risotto ($1190)
由于妈妈唔食芝士，店员建议可以帮我地改成olive oil煮，唔加芝士。传统意大利饭会比我地平时食既硬身一点。入口依然系好香松露既味道，果然系食少少已经会好饱😹。
推荐指数: 8.5/10
-
🎈White Truffle Gelato ($380)
第一次见松露融入雪糕入面，原来松露唔一定系咸点。无左个种好香好浓既松露香气，但做出来既味道好特别。下面垫住poached pear，算系比想像中清新的一道甜品。
推荐指数: 8/10
-
🎈Limoncello Soufflé ($210)
梳芙厘都系比较常见既传统甜品。无太大惊喜，不过不失。
推荐指数: 7/10
-
🎈Birthday Cake
因为是次食好西系为左庆祝妈妈生日，提前同餐厅讲左想系dessert plate写字，结果餐厅送左件蛋糕仔再系上面写字！所以生日去呢d餐厅一定要remark，通常都会有著数😹！今次送既系朱古力挞，上面有raspberry。好惊喜，味道正常啦~
推荐指数: 7/10
-
🎈Petit Four
虽然食左唔系好多，但其实去到呢个环节已经好饱。
系我地食完甜品店员就推左架甜品车出嚟，见到既时候忍唔住大叫：「哇好fancy啊😻」！食客可以选择自己合眼缘既甜品，每件份量都唔算好大。但因为太饱既关系，我只试左个柚子挞仔，好食~
推荐指数: 8/10
-
🎈Cappuccino ($80)
最后妈妈点左一杯咖啡，好靓既set-up！
-
🎀总括而言🎀
👉食物：白松露真系好香，值得一试！其他野都好食，但就相对普通啦~
👉服务：以米芝莲3星来说对佢期望会更高。可能因为白松露season，所以当日都系full house，有时甚至会出现揾唔到店员帮手既情况。不过店员服务都好好，只不过好似真系太忙了。而且我见主厨唔系每一枱都会亲自刨松露，我地呢一枱就系由店员刨。见网上有其他人都有讲呢个情况，真系唔知道有咩条件先可以触发到呢个副本😹。
👉环境：我地特别request左窗边位，环境好开扬。整体装修都系比较grand有少少欧式古典感觉咁。
推荐指数: 8/10
-
🎀其他小资讯🎀
👉订位：phone booking / 因为有特定日子想去，所以专门早左两个月book同request窗边位置
👉信用卡优惠：🈚️
张贴
