唐閣

喺朗廷酒店staycation，終於可以一嘗米芝蓮三星嘅中菜：唐閣當晚大約20:00入座，坐喺樓上嘅位置。侍應服務好親切，不時為我地斟茶。有三款佢地自家製嘅醬，包括：豆瓣醬、豉油及XO醬。係食稻庭麵就用得上🤣今晚食嘅就係呢個tasting menu，每道菜式麵好吸引，省卻我地選菜嘅煩惱。先嚟一道前菜，係餐廳贈送嘅，蝦球彈牙而且炸得好香口酥脆，加返啲涼菜中和下首道菜係涼拌鮑魚，鮮味一流！蟹蓋可以話係我地一致認為係今晚冠軍！一層脆脆嘅外皮，配埋入面啖啖蟹肉，味道一流，而且好足料。花膠瑤柱雞煲官燕食到舔舔脷，又係每啖都超多料，味道鮮甜唔會好膩。菜心好嫩，而和牛粒肥味又有牛香，肉質亦鬆軟，鎖住肉汁。去到尾聲嘅龍蝦烏冬，感覺兩樣野唔太夾，龍蝦係彈牙鮮甜嘅，但烏冬同湯底就好淡。最後就係我好期待嘅甜品：焗西米布甸暖笠笠又香，口感滑溜旁邊係餐廳送嘅桂花糕同啤梨型狀嘅紅豆酥。桂花糕清香，質感唔會太實，紅豆酥外皮酥脆，好好味！Menu每道菜嘅份量好足夠，最尾食到捧住個肚走，餐廳服務體驗同食物質素的確一流，作為米芝蓮推介絕對唔失望。