新斗記

营业中

休息中

新斗记由佐敦搬咗去九龙湾MegaBox新斗记一间系拥有米芝莲星级美食平价嘅中菜馆，食物嘅水平梗系有返咁上下啦！今日我就叫咗例牌烧鹅、龙仔荷叶蟹蒸饭、同埋粟米大鱼块！新斗记嘅烧鹅系一定有保证，今次食嘅烧鹅仍然保留原有嘅味道，外皮香脆之余，肉质嫩滑，咬落仲有肉汁流出，有阵阵烧香味！粟米大鱼块将粟米汁同埋鱼块分开，系保留炸出嘅鱼块外身香口，就咁一啖食落口，粉唔会太多，鱼肉结实之余仲好嫩口！粟米汁淋落鱼上，味道恰到好处！笼仔荷叶蟹蒸饭啲饭蒸出嚟，就唔会太湿身，米饭🍚食落口劲有咬口之余仲有清香蟹味同荷叶香，成只蟹系米饭上面一齐蒸，令每粒米都吸收到蟹嘅鲜味，又要掌握得到火候，真系老师傅先做到！所以呢一个菜式最重点嘅系饭入面。