添好運點心專門店 (已結業)

喺湾仔返工，平时同同事成日喺湾仔区饮茶当LUNCH…饮到闷！特登揾日去试下跨区坐的士去炮台山呢间米芝连平民饮茶餐厅！等左约十分钟左右有位，入到去当然系撘枱，唔算坐得好舒服。但当然，食品先系呢间餐厅既卖点。食物选择唔算多，只不过系10几款，但系以价钱来讲的确系要酒楼平啲。讲味道，就呢个价黎讲…确系抵食！你话特别好食要叫我介绍嘅我就会推介叉烧包，外面香脆，入面松软，汁肉饱满，确系好食。不过其他食物就唔算好突出，特别推介嘅莲藕鲮鱼饼，初头以为系普通煎嘅，原来就系炸。另外，叫左个凤排骨饭，排骨既数量比凤爪多，凤爪亦够味，排骨同饭则比较油。