Penthouse (已結業)

大班朋友话要黎呢度食，因为系米芝连推介餐厅，一上到去餐厅就见到成个view唔错，切合返阁楼既主题，费话少说，讲返食物先。先黎份沙律先，系凯萨沙律，沙律菜新鲜之余食起上黎就非常有口感，加埋牛油果，芝士粒同埋唔少得既大虾，食落非常吸引，味道丰富之外仲可以食得出食材本身既鲜味。黑松露食得多，白松露好可能系第一次食。呢份白松露拌面绝不马虎，白松露用上一片片，唔系用酱或者松露粒，食材已经系赢晒，白松露食落超香，加上流心蛋令口感更加滑溜，配以面食增强左fusion感觉。主菜之一系Crab cake，将蟹肉拆丝然后整成饼状，再将块饼煎成金黄色，蟹肉一啖啖，仲有果份鲜甜味，配以牛油果酱同埋酸甜酱令味道提升去另一层次。最后仲有呢份Baby pig，一食就知肉质相当baby因为够晒嫩滑，令我起初以为像食紧鸡肉，至于外皮就半脆半滑，脂肪量少，适合keep fit 人仕。整份晚餐都保持高水平，无论环境或食物质素也达米芝连级别的。