影片
更多
2022-11-29
121 浏览
今日同屋企人出去食饭，爸爸比较钟意食大排档嘅菜式，所以今日专登带佢嚟呢间米芝莲级嘅海鲜饭店😋首先叫咗个椒盐大尾鱿，只只鱿鱼都好大，非常新鲜同埋惹味，炸粉唔会好厚，所以啖啖都食到鱿鱼嘅鲜味。之后嗌咗个招牌小炒王，好香口，而且好足料，啖啖都食到海鲜，好够获气！作为咕噜肉控嘅我当然要试吓呢度嘅生炒骨，可以话系食过最好食嘅咕噜肉😍😍调味调得好之余唔会太多骨，啖啖都系肉，外层酥脆，内里肉质鲜嫩，食到呢度已经即刻叫左两碗饭🤤🤤最后仲叫左个辉哥煎咸鸡，系类似半煎煮咁嘅，之前都冇食过咁嘅口感，但系又好特别，既有煎嘅香，又有煮嘅嫩滑，值得一试！最后经理仲好好咁送咗每人一碗糖水俾我哋，真系非常满足😋😋
首先叫咗个椒盐大尾鱿，只只鱿鱼都好大，非常新鲜同埋惹味，炸粉唔会好厚，所以啖啖都食到鱿鱼嘅鲜味。
之后嗌咗个招牌小炒王，好香口，而且好足料，啖啖都食到海鲜，好够获气！
作为咕噜肉控嘅我当然要试吓呢度嘅生炒骨，可以话系食过最好食嘅咕噜肉😍😍调味调得好之余唔会太多骨，啖啖都系肉，外层酥脆，内里肉质鲜嫩，食到呢度已经即刻叫左两碗饭🤤🤤
最后仲叫左个辉哥煎咸鸡，系类似半煎煮咁嘅，之前都冇食过咁嘅口感，但系又好特别，既有煎嘅香，又有煮嘅嫩滑，值得一试！最后经理仲好好咁送咗每人一碗糖水俾我哋，真系非常满足😋😋
张贴
