天龍燒鵝 (新禧大樓)

营业中

休息中

湾仔开咗一间由米芝莲2星天龙轩烧味部主厨所开嘅烧味舖。今日行过就试吓佢哋啲烧味如何。入面一柜风干紧嘅烧鹅，厨房入面火光熊熊，不断烧紧乳猪同烧鹅。不断有客出出入入，非常好生意，好在都揾到个位坐。烧鹅、乳猪就必叫，当然仲有要试下叉烧喇。仲可以点「肥㶶腩叉」。烧鹅皮薄唔油腻，而且肉质非常之嫩，一咬爆汁。闻落仲好香添。乳猪皮就一定脆，估唔到D肉仲咁滑，已经将骨起咗，食得好方便。肥㶶腩叉净系见过卖相已经流口水，系米芝莲餐厅要卖成$400一碟，呢度¼价钱已经食到。隔肥隔瘦，肥肉爽瘦肉淋，蜜汁香甜，唔怪得知周围啲人好多都叫呢样嘢食。