天天海南雞飯 (新城市廣場三期)

营业中

休息中

一直都听过天天海南鸡饭本身系新加坡熟食中心嘅小摊，因为精堪嘅厨艺而得到米芝莲认可，有第一海南鸡饭之称。今次嚟到香港沙田店，环境装修就转咗偏华丽风格，以优雅嘅蓝调为主。🍽 天天海南鸡配烧鸡香港定价会贵小小，但唔洗飞就食到新加坡米芝莲，都觉得值得一试。先讲下佢哋嘅招牌菜—海南鸡，鸡肉选用嘅系优质嘅三黄鸡，食落肉质鲜嫩多汁，保留到鸡肉嘅原汁原味，同时皮薄有弹性，入口即化。烧鸡方面都唔错，皮脆肉嫩，炭香扑鼻。不过两者比较嘅话，海南鸡会更胜一筹👍🏻🥇鸡油饭 因为太钟意食个饭，所以我哋今次𝟮个人都叫咗𝟯-𝟰人份，呢个份量大概每人食到𝟮碗左右🍚🍚天天海南鸡饭嘅鸡油饭曾经击败过名厨𝗚𝗼𝗿𝗱𝗼𝗻 𝗥𝗮𝗺𝘀𝗮𝘆，成为餐厅嘅皇牌。因为佢哋嘅油饭同时结合咗鸡油同鸡汤嘅精华，饭粒散发浓郁嘅香气同时做到松软而不失弹性，粒粒分明，所以剩系食饭都会觉得好味！🥤 豆花年代奶茶豆花奶茶嘅茶味香浓，重点加咗滑嫩嘅豆花，饮上去会额外增添一份特别嘅滋味，配搭海南鸡都几夹。