祥興記上海生煎包 (已結業)

身为荃湾友，佢未攞米猪莲之前已食过好几次，而且我有理由相信个小食组评委内一定有荃湾街坊，因为荃湾总共有三间上榜，除咗呢间外仲有荣安同千色车仔面，荣安都叫合理啲，千色真系长期拍乌蝇极唔起眼，咁都上榜真系非常有可疑。 讲返祥兴，区外朋友嚟荃湾必食，生煎包四只$28，其实唔平，而且又唔够一餐。佢有个$40餐两只生煎包+粉丝汤+饮品，够一餐，但粉丝汤极一般，嚟帮衬都系为生煎包，得两只又到喉唔到肺。所以我个女仔朋友食完个餐再要追加四只，成$68落楼，真系仲贵过去饮餐茶。攞咗米猪后，感觉多咗人慕名而来，包括邻国游客，唔知系咪因为突然响朵，啲服务反而比之前好咗，啲阿姐客气咗。但生煎包无以前咁新鲜热辣，不过仍然系我食过最好味嘅生煎包。啲位窄得无可再窄，感觉好唔舒服，食完即走。