初遇

营业中

休息中

粉岭名都一向连锁店林立，冇咩特色餐厅，呢间初遇可谓打破僵局，记得大半个月前新张大排长龙，结果不敌人龙却步，今日闲日避开繁忙时间，终于可以一尝滋味😗😋打开menu，样样都想食，就拣咗有图片嘅（最稳阵）古早芋泥肉松蛋饼，芋泥又香又软又浓郁，每一啖都充满芋泥，口感软糯，平时我会有d抗拒肉松，觉得系万年食品，但呢个肉松好新鲜，冇罐头味，肉松俐落分明嘅质感同芋泥软糯嘅口感互相平衡，配搭烟韧蛋饼，层次非常丰富，咬完一件再一件，津津有味台上菜圃：初遇一品臭臭锅，第一次试保守d叫小辣，果然小辣都够辣，呢个锅配料丰富，黑色臭豆腐其貌不扬（远睇仲以为系乌鸡🐔😆），但食落又几过瘾，配甜辣酱好有街道小食feel，粉丝同薯粉都好索味，整个锅都唔算油，如果要讲缺点就系鸭血唔入味，其余都算唔错跟餐饮品：冷泡阿里山乌龙呢款茶跟餐唔洗加钱，个樽仔十分精致，呢樽嘢系奈X之茶卖几十蚊古早仙草三色芋圆，跟餐加22蚊非常足料，芋圆「叽弹」不生硬，呢个价钱好超值呢度播好多周杰伦歌，令我食得好写意，今餐非常满足，我正式宣布：粉岭人又多一间食堂！