添飲咖啡館 (已結業)

话说入去粉岭探我个friend， 平时十年都唔会入去一次， 于是我个friend就介绍咗我去呢一间位于以前法院入面嘅cafe， 一般人都系响𠮶度食下午茶或者早餐， 饮杯茶食件cake， 但今次我哋系去食晚餐， 佢都三令五申同我讲话要book位。 果然入到去系爆满， 我哋七点半食但系间餐厅九点已经闩门。首先， 黑松露薯条要小心， 薯条好粉， 炸得唔系好脆， 有少少似以前 嘅陆运会小食部薯条。 同埋我同我个friend唔会咗以为有黑松露酱， 原来只系啲薯条上面撒少少黑松露粉， 好似黑椒咁， 效果认真麻麻地， 纯粹填饱个肚。之后我哋嗌咗个煎八爪鱼， 超级惊喜， 虽然份量细细， 其实我哋两个人每人净系分到一条八爪鱼， 但系如果你将一条八爪鱼将佢切成唔同细细块， 就可以用晒佢畀你嘅唔同酱汁， 一次过试几种味道。 佢有个黑色嘅酱汁， 叫蒜蓉墨鱼汁沙律， 另外佢本来已经有啲橙橙啡色嘅烧汁， 再唔钟意你亦都可以用佢够青柠，挤一啲青柠汁落去。另外我哋嗌咗只烤鸡， 又系水准以上皮脆肉嫩， 特别钟意佢处理洋葱嘅手法， 厨师揾𠮶啲特别嘅酱汁染到成个洋葱都系黄色， 但系咬落去就软软哋。