WAKE UP BISTRO

营业中

休息中

今日系想带狗狗出嚟玩，所以专登揾咗呢间宠物友善Cafe。如果有宠物的话，就要坐室外。有两张大枱两张细枱，都有太阳伞可以遮到太阳，所以几好。我哋都系拣咗呢个假日lunch Menu价钱都OK。今日个汤系蘑菇汤。天气冻到想食啲热嘅嘢，就叫咗焗猪扒饭，热辣辣好足料。另外就系蟹肉意粉，味道不过不失，份量足够。令我最惊喜系呢个甜品！估唔到椰子雪芭真系用个椰子壳装住，表面仲有啲西柚肉。呢个雪芭椰子味好出。美中不足嘅系喺室外一定系用即弃餐具，如果冇带狗狗嚟可以坐室内就可以用返正常餐具。