初遇

营业中

休息中

屋企附近最近开咗初遇嘅台湾餐厅。餐厅新开张经常有人排队，今次我醒目有预先用apps 拎定飞，去到等咗一张台就好快有位喇。近日天气都好冻，见到餐厅有锅物就叫嚟试下，屋企人唔食辣所以叫咗个台式香浓沙茶锅。✨台式香浓沙茶锅 - 配沙茶酱沙茶锅非常足料，有娃娃菜、牛肉片、米血糕、牛丸，沙白、粟米、金菇、烤枝竹、鸣门卷、花枝丸、韭菜、蕃茄、青豆角。汤底嘅沙茶味道都好香好浓，唔洗点酱料都好够味。可配方便面/宽条薯粉/粉丝/米饭，我加咗$10 转卤肉饭 - 我好怕食到多肥膏嘅卤肉饭，呢度食到嘅卤肉系半肥瘦，味道啱啱好唔会偏咸，似系台湾食到嘅味道。✨拉丝起司火腿蛋饼蛋饼同我平时食到嘅好唔同，呢度做法比较特别，加咗好多青瓜丝入去，食起嚟冇咁腻。虽然芝士未做到拉丝效果，但整体都还可以。每张台面都摆放咗酸菜系度，想食可以随便加。