影片
更多
2017-07-27
253 浏览
要喺油尖旺，港岛中西区揾一间有情调,食物又有质素既西餐同爱人把酒谈心一啲都唔难，但要喺粉岭，上水揾，真系谈何容易。当然，有我仪仪仔呢个地胆就冇有怕。男仕们要留意喇，如果有啲咩女仕既大时大节如情人节，生日，结婚周年纪念，拍拖周年纪念等等.......下删二千字，就可以黎联和墟试一试呢一间情调西餐。餐厅位置虽然较为隔涉，但平日夜晚黎人流唔多， 幽暗既灯光份外有情调，餐厅亦播放左柔和既音乐，同情人约会真系一流架。同一般意大利餐厅一样，侍应会先送上各式各样嘅面包。面包亦配咗三种酱料，分别为沙律酱，黑措同橄榄油。唔同嘅面包有唔同嘅口感，面包棒就比较干身比较硬，其他就好软熟同好香，我哋未食主菜前已经食饱咗啦。食完面包之后就上餐汤，餐汤为烟肉忌廉粟米汤，又几好味㖞。唔太咸，而且有好香烟肉味，食落仲有粒粒嘅粟米，口感丰富，而味道有啲似金宝嘅粟米汤。小食叫左蟹肉饼。蟹肉饼啖啖都系蟹肉，佢煎得好香好有蟹肉味呀，加上左木鱼味道虽然偏咸咗，但夹埋啲沙律菜食啱啱好中和番。我哋叫咗两款主菜，第一款就系香烤鸭肉扁意粉。呢个扁意粉，鸭肉非常香呀，好有鸭既味道，而且鸭肉非常之嫩滑，一啲都唔鞋唔韧， 值得一赞嘅系扁意粉铺
当然，有我仪仪仔呢个地胆就冇有怕。男仕们要留意喇，如果有啲咩女仕既大时大节如情人节，生日，结婚周年纪念，拍拖周年纪念等等.......下删二千字，就可以黎联和墟试一试呢一间情调西餐。
餐厅位置虽然较为隔涉，但平日夜晚黎人流唔多， 幽暗既灯光份外有情调，餐厅亦播放左柔和既音乐，同情人约会真系一流架。
同一般意大利餐厅一样，侍应会先送上各式各样嘅面包。面包亦配咗三种酱料，分别为沙律酱，黑措同橄榄油。唔同嘅面包有唔同嘅口感，面包棒就比较干身比较硬，其他就好软熟同好香，我哋未食主菜前已经食饱咗啦。
食完面包之后就上餐汤，餐汤为烟肉忌廉粟米汤，又几好味㖞。唔太咸，而且有好香烟肉味，食落仲有粒粒嘅粟米，口感丰富，而味道有啲似金宝嘅粟米汤。
小食叫左蟹肉饼。蟹肉饼啖啖都系蟹肉，佢煎得好香好有蟹肉味呀，加上左木鱼味道虽然偏咸咗，但夹埋啲沙律菜食啱啱好中和番。
我哋叫咗两款主菜，第一款就系香烤鸭肉扁意粉。呢个扁意粉，鸭肉非常香呀，好有鸭既味道，而且鸭肉非常之嫩滑，一啲都唔鞋唔韧， 值得一赞嘅系扁意粉铺满咗一片片薄薄嘅车打芝士，芝士本身系好浓味，但系如果配合咗个意粉一齐食，就啱啱好喇。而果汁有少少酒香，几特别呀。
另外一款主菜系八爪鱼蚬肉意大利饭。我哋以为呢个意大利饭个味应该冇个扁意粉咁浓味喇，点知一食落口，就有阵阵橄榄香。而意大利饭一般都系一粒粒好硬，但系今次呢个完全唔同，佢啲饭硬度刚好，我就非常之钟意勒。跟住要赞嘅系佢啲蚬肉，系非常非常之新鲜，我除咗系一啲卖清蒸海鲜餐厅食到咁鲜味嘅蚬之外，今次都系第一次喺西餐厅食到咁新鲜嘅蚬，而且蚬肉亦非常之肥美，啖啖肉好鲜甜好正。而八爪鱼就不过不失啦， 烟烟韧韧亦有咬口。饭入面仲加咗一啲颇酸既蕃茄，夹埋个饭一齐食可以刺激到味蕾， 睇得出师傅系有用心调配过。
最后当然唔少得食甜品啦， 首先系跟 set 配嘅柠檬挞，上面有啲野莓。个柠檬挞个皮非常松软，而柠檬夹心有少少酸味好清新既甜品。
另外我哋就加咗40蚊将set 入面嘅甜品转咗做朱古力心太软。哗!呢个心太软真系做得非常出色。切开咗之后，浓浓嘅朱古力流心浸咗出嚟，但系又唔系成pat嘢咁样。朱古力味系苦苦地，岩晒我。而薄荷雪糕好薄荷味好香浓，加埋啲朱古力脆脆同心太软配搭食好好好正呀！
成餐饭我哋食到咁既质素，都只系五百几蚊。如果要出尖沙咀中环呢啲地方食，我谂要成八百蚊。所以话呢，平民区未必冇好嘢食嘅。我希望呢间餐厅多啲人认识呀！另外一样嘢非常非常的重要! 就系呢度嘅大厨真系好鬼似萧正楠,仲好后生靓仔㖭有兴趣嘅女士不妨嚟睇睇。
张贴
