越一越南牛肉粉專門店 (已結業)

粉岭除左联和墟，好似话火车站附近都有Ｄ好野食，所以今日就试下一间叫「越一越南牛肉粉专门店」先！黎到等左阵就有位啦，午市套餐选择比较少，不过都拣到既！我Ｄ朋友要左个「火车头汤粉」，其实系牛肉、牛腩、牛丸同牛柏叶汤粉，可以拣檬粉或者河粉，嗜牛既人必食！仲有，佢地将Ｄ芽菜同香料分开上，你可视乎喜欢与否放入去，而且又唔会怕芽菜太淋唔好食，好细心既安排！我就贵精不贵多既，就叫个「薄烧牛肉捞檬」，睇落好普通，但食落就知点解佢同火车头一样价钱啦！真系好正，每块牛肉又薄又有炭烧味，入口就知极品！然后再叫个「香茅猪扒汤河」，碗面好大，我朋友食唔晒HAHA，猪扒好淋易入口，我最钟意系每块都有少少肥猪肉！净系食面有Ｄ寡，于是叫Ｄ小食！纸菜卷系必食，皮薄馅足，好新鲜好口感！再叫多个虾饼，细块左少少，不过都好好味，一试无妨！最后要介绍野饮，青柠梳打同奶茶都系水准之作，好大杯好解渴！