新漢記飯店 (已搬遷) 新店位置

今晚走去粉岭揾个好耐无见嘅死党敍旧，想一想自己有差唔多成十几年无入过粉岭，去到真系成个路盲咁，好彩死党有车，佢问我食乜，我谂起之前有人介绍呢间铺，于是就叫佢揸嚟呢度试。一入到去，人山人海，差唔多full house，发觉侧边其他食肆水静河飞，心谂呢度一定有D料到。叫咗四𩠌一汤，另加三饭及一枝啤酒。个汤系番茄薯仔猪润汤，味道十分家常，猪润大大块，亦颇爽，无乜苦味，不俗；再嚟一个香口小吃--- 虾枣拼墨斗枣。一上枱嘅时侯都有少少愕然，两款枣嘅形状系呈长条形，并唔系平时食开潮式嘅球形，墨斗枣食落有极浓嘅墨鱼味，一食就知无乜加粉，够晒真材实料，D虾枣亦颇弹牙，不过可能之前食嘅墨鱼味太浓，D虾枣嘅虾味反而无咁出；之后系落单阿姐推介--- 客家炆墨鱼猪肉，成个𩠌放响一个鸡公碗上，够晒香土味，味够浓亦够油，系客家菜嘅特色，伴菜嘅木耳及荀比主角嘅墨鱼及猪肉更精彩；食完个味浓嘅，就叫番个清D嘅鱼腐汤浸白菜仔，鱼腐做得软滑，够鱼味，配上新鲜嘅白菜仔，不错；叫咗三个饭，二个系普通嘅"靓仔"，我自己食𠮶个就系砵仔猪油捞饭，呢味胆固醇嘅好朋友真系要系呢D新界菜馆先至揾到门路食，可惜呢度嘅出品就令我大失所望，最重