辣辣屋

营业中

休息中

今日嚟到呢间食烤鱼，听闻系新开嘅而且网上都好多人赞，所以特登过嚟试吓系咪真系咁好食呢！入到去，环境宽敞，墙壁都有艺术设计，好有特色。入到去既时候，服务员好nice，介绍我哋烤鱼嘅有边啲口味。泰式酸辣烤鱼🤤唔系太食到辣又钟意食酸嘅朋友可以试吓！烤鱼一嚟到比我想像中多好多材料。除咗大大条鱼之外🥰仲有好多芽菜，云耳，娃娃菜，海带系底！条鱼有好多肉，大大啖，仲要食极都有，2-3人share一条差唔多。至于味道方面，啱啱好，好好食，特别系去到之后啲蔬菜吸收啲汁，十分好食🤩除咗烤鱼其他串烧都超好食，特别系烧茄子。千祈唔好觉得佢好普通，佢系相当之大条，而且烧得好有味，唔会太油，又可以带到个种蒜香茄子味道。其他串烧都好好食，而且有两个酱汁俾你拣！饮品方面可以拣呢个水果茶，其实佢菜单里面嘅饮品全部都系一jar，大概有四五杯，食烤鱼配水果茶简直绝配！