辣辣屋

营业中

休息中

今餐晚饭去左附近食过几次嘅辣辣屋。餐厅都几多位置，有卡位，位置之间有距离亦加高左间板。去到大约五点几，坐低先知原来晚市5点半后先开始落单，见到仲有茶餐，仲几抵就又试下。叫左个爆芝肉酱意粉，有埋热饮叫左热柠茶，先$28~份量比一般tea感觉多d，肉酱芝士落劲多，食落系正常肉酱意粉味，仲有d生菜摆面，性价比好高。到左晚市时间就要左老坛酸菜鱼，用嘅系江团鱼，配左烤鱼辅菜盛盒A，土豆，莲藕，腐皮结，海带，金菇。酸菜一开始试左少少，够酸，少少偏咸，滚起散左落d汤到，之后食落爽口，好开胃。鱼肉份量两三个人都够食，成条上，比起拆定鱼肉一件件，都系一条上食得滋味。烤鱼辅菜盛盒A份量都多，如果单点觉得土豆，莲藕同海带都必叫。土豆连汤软熟吸左汤嘅精华同香味，莲藕相对冇咁吸汤汁但特别爽口，而海带吸到d汤而且滑口，个人都几钟意呢种口感。除左酸菜鱼，仲叫左几款小食。烧猪颈肉沙律，猪颈肉份量超多，有差唔多十几片，沙律菜新鲜，用胡蔴酱，食落清新腻解。泰北黑毛猪串，猪肉有咬口，烧到外脆内软，有肉汁，唔点酱都够哂味。泰北牛肉串，牛肉几香，食落唔韧，烧得够火喉，亦唔会太干。油腻野梗系要配d清新嘅饮品！有青瓜粒嘅青瓜梳打，