米子燒肉家

营业中

休息中

今日返粉岭娘家，抽空行吓街，发现到粉岭中心开咗一间新嘅日式烧肉店 "米子烧肉家"，所以同屋企人试一试。未到七点，已经有人排紧队，应该都唔错。我哋点左$268放题套餐，可以任食任饮120分钟。有猪、牛、鸡、海鲜、蔬菜、日本饭面、多款饮品，晚餐价钱嚟讲都算超值。如果你系牛魔王，真系可以俾你食到返本。净系牛都有10种。上等牛舌(厚切)、牛仔骨、牛腹肉、角切、肩胛牛肉眼、特上牛柳、牛板腱、鲜滑牛(壶渍)、美国牛脊肉、牛五花肉。肉质唔错，唔会雪到硬梆梆，一浸雪藏味，不愧系Prime牛。点埋烧肉汁，味道再提升。猪肉同鸡肉加埋都差唔多有10款，而且仲好鲜嫩。我最钟意就系𠮶个辣酱鸡肉，肉质爽口弹牙，推荐推荐推荐。海鲜有青口，三文鱼鲇，多春鱼，同埋鱿鱼。海鲜都好新鲜，唔使怕腥味。估唔到放题嘅白饭都有四款，饭桶朋友绝对唔使惊净系食烧肉 XD 亦有乌冬同埋面。我自己就几钟意前菜嘅海蜇野菜沙律，海蜇非常爽口，而且平时出去叫都唔平。蔬菜有翠玉瓜、杏鲍菇、金菇、秋葵、菠萝，另有芝士烧溶后变芝士浆，点金菇就一流。饮品方面，除咗一般都有嘅汽水同茶，竟然仲有啤酒任饮，唔系平嘢添㖞！点嘢食好方便，同枱各自用电话scan