Camellia (已結業)

K11 Musem开张有一段时日，呢日同姐妹相约食brunch，正好有机会过黎闲逛。商场虽然带著熟悉既味道，但格局、档次都同K11大相迳庭。从地下楼层Muse Edition一入，转左就见到呢间少女心满分、一片粉红既Cameilla。菜肴属西日fusion，餐牌配有图片参考，每道主菜都秀色可餐难以挑选，幸好有set menu五选一，大大缩减选择时间。落单后几分钟前菜就送上，第一次品尝油炸过既金针菇。菇体幼细，令口感无一般西餐炸蘑菇油腻，酥脆香口。戳穿蛋黄使蛋液布满金针菇，增加湿润感，亦中和左咸味同热气。港女brunch当然要配果茶，虽然加左蜜糖调味，但味道仍保有柑橘果香同微酸，唔会过分甜腻，正合我口味。牛肋排位置经长时间慢煮，非常入味，一入口充满酱汁既洋葱香。连中心软骨部分都煮至黏滑稔软，肉质松软，一切即开。朋友单点既煎香茅脆皮猪扒，清而不油，外脆内软熟，又不失猪肉独有既结实口感，带一点脂肪更添嫩滑，系我食过最美味既香茅猪扒。