今晚約左媽媽 黎試下呢間好少女心嘅 泰國餐廳 !
我地坐喺窗邊位, 除左望到大海之外, 仲係坐勁cute嘅藤籃吊椅, 媽媽影相影得好開心 >v<
成間餐廳都好多植物擺設, 加上粉紅色主題, 同大量藤藍椅, 令人感覺好夢幻 ❤️
食物方面, 好多款都有得揀辣/唔辣 ~ 係人人都啱食嘅泰國菜 !
餐廳主要以手機apps落單~ 仲有送餐機械人 !! 食物都上得好快, 員工幾好禮貌 : )
蝦片 $15
每枱都有嘅前菜, 唔好miss咗佢呀 ! 因為真係好脆口, 好香蝦味加上胡椒味 😋
泰式椰子雞湯 $128
欣賞佢碗底下有明火暖住個湯呢 !! 湯要熱辣辣咁飲 真係差好遠 !!
呢個湯好濃郁, 有香濃嘅雞湯味同椰子嘅香甜
入面超足料.. 一撈起, 全部都係雞肉同菇 !
我同媽媽兩個人飲, 分到好多碗 😂
泰式小食拼盤 $208
呢個邪惡但開心😋 包括:: 雞肉串燒, 單骨雞翼, 素菜春卷, 豬頸肉, 同班蘭香葉包雞
共5款小食 ~~ 每款都有3件
兩個人食 其實太多 LOL
每款都好香口 夠熱辣辣, 調味適中
我最鐘意雞肉串燒 同素菜春卷 !
前者好惹味, 後者餡料塞到滿滿的 ~
1
印度薄餅 $40
呢個質感比較厚實 帶酥香, 比想像中無咁油膩
係好有東南亞風味嘅酥餅 ~ 有d飽肚 🤣
泰式炒通菜 $88
呢個我地揀咗走辣呀 ~ 真係做到完全唔辣, 非常好 ! >v<
食得到用咗好多蒜頭去炒, 所以一樣好好味呀 ~
香茅茶 $45
清新嘅香茅茶 剛好為呢餐減減膩, 幾好飲啊 ~
整體黎講, 呢餐泰國餐 好啱口味 ! 連食唔到辣嘅我地 都好多款揀!
本來仲想試埋佢地D甜品, 好吸引 ! 可惜已經太飽, 食唔落 ...
同埋呢度個環境 真係勁靚, 好舒服, 值得再訪 : )
