Error 19 (已結業)

最钟意打卡嘅餐厅，之前见到其他人share见到呢间位于旺角上楼嘅error 19，有个粉红花花墙千秋打卡位📸已经超想去了！当然除咗打卡影相之外，食物质素都好重要～呢间餐厅一次过满足晒两个愿望✨除咗有多个打卡位之外，食物质素都相当之唔错，尤其是系甜品🍮每款都好好食😋好值得支持呀～香煎顶级牛柳配鹅肝$368牛柳果然够顶级，又唔会太肥，肉质软嫩够软腍，肉汁亦丰富～仲配搭一大件鹅肝，鹅肝口感入口即溶，香味独特！香煎鲈鱼配龙虾汁$238鲈鱼总共有两大件，皮煎得够香脆，鱼肉紧实唔会好容易散，配搭龙虾汁好惹味！配菜仲有薯仔、西兰花、同埋粟米仔。宇治抹茶十胜红豆潜艇$68新出品嘅一款甜品，系最近流行嘅牛角窝夫🧇口感酥脆，配上抹茶涩涩哋嘅味道、甜甜嘅红豆🫘真系绝配呀！特浓朱古力榛子拿破仑$88必食之选❤️拿破仑饼皮香脆，朱古力榛子味道浓郁，cream幼滑，食到停唔到口呀🍫冬瓜益力多梳打$50非常特别嘅一杯饮品❤️有台式风味嘅冬瓜茶，混合左益力多同埋梳打，味道丰富特别！热情果乌龙$50乌龙茶味浓郁，热情果味就唔算太突出，唔会太甜，口味比较清爽。