慢煮工業 (已結業)

喺太子做完嘢，记得朋友讲过太子道西有间慢煮工业气氛唔错，一于试下。去到附近就畀间粉红小屋吸引住。餐厅走工业风，水泥外墙，木枱椅，仲有几张高枱櫈 。挂上霓虹灯招牌，玩味十足。但系又夹杂着文青风㖞，小植物，小结他，大钟，几好feel·呢度系自己先到cashier付钱，然后佢哋会送餐畀你。叫咗安格斯牛扒，薯蓉set lunch，配上蜜糖多士。牛扒有横坑纹㖞，煎得好香，但里面仲系粉红色够嫩，应该就系慢煮嘅功力。薯蓉好有幼滑，加上甜甜地嘅 蜜糖多士饮品拣咗香茅蜜桃乌龙茶，几特别，少少香茅味，有半个蜜桃喺杯底，有得食，有得饮其实我由旺角警署附近行过嚟大概四分钟左右，但系呢度远离烦嚣，坐喺度慢慢叹，好配合餐厅嘅主题。