影片
更多
2023-04-23
40 浏览
同朋友上网见到呢间舖头打卡位好靓，好有少女感觉。上到去先知原来开头分咗两边，出边食嘢入边原来可以上Aerial Dance! 睇佢哋个IG见到啲人跳得好靓，用餐嘅时候都见到好多女仔着住好靓嘅衫再入去上堂，今日就先试咗佢哋嘅嘢食。两个人叫咗:烟花女意粉($98): 自己好容易俾啲特别嘅名吸引，呢一个都系因为咁嘅原因所以叫咗嘅。问咗侍应原来入边系冇肉，会有少少橄榄蘑菇蕃茄同埋咸咸地嘅鱼去整成。上碟嘅时候我哋两个都哗咗一声，真系整得好靓！有啲食用花喺上面，食起上嚟好新奇，有橄榄嘅咸味同埋蕃茄嘅甜味混埋一齐。虽然佢冇肉嘅成份，但系绝对系新嘅味觉。炸黑松露薯条($68): 份量好多，我哋两个女仔KO哂都真系好饱。黑松露酱其实同坊间其他舖头都差唔多，反而觉得薯条炸得好出色，唔会感觉好多淀粉质，盐嘅份量啱啱好唔会过咸，而且都真系新鲜的炸嘅，而呢个价钱有呢个份量绝对系抵食。Matcha Latte ($42): 即叫即整，上枱嘅时候见到有个心心拉花配上成间舖头嘅装修，感觉真系好有少女嘅味道。抹茶味都浓郁嘅，绝对合格有余。Iced Black coffee ($40): 咖啡亦都系即叫即整，见到有磨左咖
两个人叫咗:
烟花女意粉($98): 自己好容易俾啲特别嘅名吸引，呢一个都系因为咁嘅原因所以叫咗嘅。问咗侍应原来入边系冇肉，会有少少橄榄蘑菇蕃茄同埋咸咸地嘅鱼去整成。上碟嘅时候我哋两个都哗咗一声，真系整得好靓！有啲食用花喺上面，食起上嚟好新奇，有橄榄嘅咸味同埋蕃茄嘅甜味混埋一齐。虽然佢冇肉嘅成份，但系绝对系新嘅味觉。
炸黑松露薯条($68): 份量好多，我哋两个女仔KO哂都真系好饱。黑松露酱其实同坊间其他舖头都差唔多，反而觉得薯条炸得好出色，唔会感觉好多淀粉质，盐嘅份量啱啱好唔会过咸，而且都真系新鲜的炸嘅，而呢个价钱有呢个份量绝对系抵食。
Matcha Latte ($42): 即叫即整，上枱嘅时候见到有个心心拉花配上成间舖头嘅装修，感觉真系好有少女嘅味道。抹茶味都浓郁嘅，绝对合格有余。
Iced Black coffee ($40): 咖啡亦都系即叫即整，见到有磨左咖啡豆，之后先再冲，确保新鲜。虽然冇得拣要边一款咖啡豆，但系味道都算大众化，唔会过酸。
总结：成间餐厅装修真系落重本，一入到去已经见到呢一个粉红色嘅打卡位，绝对系呃like之选，而且食物质素有返咁上下，真系超出咗预期。本身以为佢会着重上堂𠮶边，但系食物都有返一定嘅水准，如果要打卡嘅，呢间餐厅绝对可以😌
烟花女意粉
13 浏览
0 赞好
0 留言
炸黑松露薯条
11 浏览
0 赞好
0 留言
张贴
