天 · 悠蔬食 (已結業)

新年期间食得太多煎糕，今日想食返D清淡既野，经过荃新天地2期地下见到呢间素食店装修精致，餐厅装修带粉红色和热气球装饰，岩哂少女心既我，影相打卡一流，晚餐有好多选择，有主食、饮品和甜品，另外加$20可以有埋餐汤和小食，非常丰富。菠菜桃胶忌廉浓汤配四喜烤夫菠菜味浓，忌廉汤香滑，仲有我最钟意既桃胶。白松露美国露荀南瓜紫薯焗千层阔面一上台已经闻到好香既白松露味，芝士亦好香，千层阔面软硬适中，有口感又不会太硬，入面有好多配料，有露荀、南瓜、紫薯等。柚子芦荟乳酪蛋糕柚子味清新，乳酪蛋糕口感厚实。焦糖海盐榛子千层班戟  千层班戟做得非常薄，焦糖味好香，榛子味偏甜，但加埋海盐略带少少既咸味中和返就刚刚好。荔枝柠檬芦荟冰茶荔枝味浓但唔会太甜。