Fauchon Paris Le Café (已結業)

星期日无无聊聊就同屋企人去左沙田行街，行左无几耐就想食下午茶，于是就去左新城市中心入面呢间新式西餐厅。餐厅主要以粉红色作为主调，配以白、黑色，形成一种好大对比的视觉效果，令人感觉好新潮！咁我地就点左餐牌上面既脆炸鸡翼配蜜桃辣酱、卡邦尼扁意粉同特式和牛汉堡。脆炸鸡翼配蜜桃辣酱鸡翼炸得好脆，而且唔会因为淋左汁就淋哂。个酱少少辣辣地、又有少少甜同酸味，食完个感觉非常开胃。超级超级好食！卡邦尼意粉个意粉煮得唔淋唔硬，硬度适中。个卡邦尼酱调配得非常浓郁，有好香既忌廉、蒜头同奶油味。简直令人食唔停口！特式和牛汉堡个汉堡既主角-和牛汉堡扒果然无令我失望。块汉堡扒既牛味十足、配埋其他陷料，成个汉堡非常配合！另外，个炸薯条都炸得好脆，唔会太油、又唔会太淋，个汉堡餐值得再食！