牛之館 (已結業)

今晚嚟到火锅新贵嘅牛之馆，就喺旺角文华商场一楼。假日关系，嚟到门口都已经好多人等位，有点期待！ 入到餐厅，估唔到装修系以粉红色为主，少女心出晒嚟添💞。拣咗【专尚24品】送刺身一客，三款刺身，各款每人一片，不过不失。 可以食120分钟，都够晒时间。 【金银蒜蛤蜊鸡锅】出面比较少有，就叫咗呢款汤底。 蛤蜊新鲜肉大，所以个汤底汤清得嚟几有鲜味，无油腻感，可以食到更多嘢食~肉类先后上枱，有唔同嘅肉类，又有唔同部位，而且味道好唔错，唯一美中不足系无牌仔注明，唔太知系边款。大部份火锅料都可以自助，排列整齐有序，就算有食物跌咗落地，都见都店员即刻去清理，呢方面做得好好。热盘选择都有唔少，但我😍最钟意系佢嘅甜品，有冰冻生果、乳酪、豆腐花、自制窝夫同一人一杯雪糕。 饮品方面最正系有无糖茶，茉莉白毫好香，值得推介。