甜一點

营业中

休息中

食饭时间旺角女人街好多餐厅都排晒队，行过环境好少女粉红色嘅甜一点，发现除咗甜品仲有饭同汉堡食，可以一次过食晚饭加甜品。鸡扒汉堡配沙律及薯条，$88佢嘅汉堡都几大份，而且卖相唔错，鸡扒大大块，啱晒我哋share嚟食，佢中间夹咗芝士同蕃茄，几好味，不过如果鸡扒啲烧汁再多啲会更正。不过以一间甜品店嚟讲，出品已经好满意。鱼柳蛋饭，$88鱼柳有惊喜，炸得好香，肉质够实又冇雪味，而炒蛋同饭，配上酸酸甜甜嘅蕃茄汁，好味㖞，我哋成碟饭都食清晒。木瓜炖桃胶，$62去甜品店点可以唔食甜品，天气干燥，我哋拣咗比较滋润嘅木瓜，加上桃胶，非常滋润。当日嘅木瓜好甜，不过如果再大只啲就更加好啦。