川婆婆 (已結業)

💗粉红色装潢少女心爆发💗旺角家乐坊新川婆婆同嗜辣细妹揾间餐厅谈心事，费事响屋企俾妈咪听到。去左旺角新开既家乐坊川婆婆叹四川菜。点了以下:招牌鸳鸯锅小辣 超正，皇菇汤底同四川正宗麻辣汤底。四川正宗麻辣汤底够麻够辛辣，味觉享受。皇菇汤底有超多唔同菇菌类，啲菌香喷喷。加埋大只花甲，提升汤底鲜味。美国安格斯雪花牛肥牛半肥瘦，肥瘦均匀，牛肉味好浓郁好重，唔会无牛味劲淡口。用麻辣果边渌更惹味。乌鱼片 好新鲜，肉质雪白，肉质结实，甜鲜味美。桂花牛肉酿竹笙组合好特别。牛肉渗出淡淡桂花香。用竹笙包住，d肉质无咁易老晒。更嫩更好食。 鸭血比猪红既口感更结实更好食。件件都大大块，件件都够厚身。无血既腥味异味，口感爽实软滑。 豆腐皮够薄，食落好香黄豆香。 娃娃菜 颇多同几新鲜。招牌红薯粉 好正，够大条，够长，够厚身。渌腍左好晶莹剔透，口感柔韧。饮品点左可乐两杯。美满既1餐。