Cafe Library by Espuma (已結業)

位于沙田新城市广场嘅一间餐厅，因为佢嘅全间铺粉红色装修而比佢吸引到，平日嘅晏昼专登去Walk in试吓，好彩唔使等位直入。全间铺都系粉红色，梳化墙壁都系粉红色，成间铺都好可爱好有少女心，骤眼望落去基本上所有客人都系女人。对于打卡Cafe来讲，我对佢嘅食物质素其实都冇乜期望，叫咗个马介休炸暑波，虽然70几蚊得六粒有啲贵，但系配埋佢𠮶个酱又真系几好食。海南鸡炖饭，以为佢只鸡会好鞋，结果原来都唔错。猪扒薯条，猪扒都好料好大块。整体来讲其实都几好，下次会再想嚟试下其他嘢食。