Camellia (已結業)

近来工作较忙，临急先揾餐厅同闺蜜庆祝生日，上网揾左一阵，好快就比呢间餐厅既饰物盒下午茶吸引，由于层架式食过太多，今次都想换下新风格，比新惊喜朋友。云石餐枱同粉红色梳化加埋后面满满既茶花，少女心爆表，加埋饰物盒衬托咸甜点打卡一流。至于食物质素方面，本人觉得最好味既咸点系迷你虾脆筒，虾味浓郁，作为小食加分，一人得一个实在太少。咸点算系几出色，三文鱼小挞同黑松露鱼子酱挞都值得回味。不过精致甜食方面就不过不失，无大惊喜，比较普通。另外book位既时候唔记得要求order坐花花墙前，影人像相无咁靓，如果庆生大家可以先order。饮品方面，本身我想饮下普通茶饮就算，但生日既朋友想试下纸醉金迷，就额外加比佢，呢个反而几suprised，好fresh同有d乳酪味，好想饮多几啖，不过杯野系佢既，我就唯有试过就算啦。呢间餐厅庆祝生日唔错，会同你画碟，同送蜡烛，不错不错！