彩福皇宴 (置富都會)

营业中

休息中

上星期屋企人生日，所以就同佢地去彩福皇宴食饭。彩福皇宴以粉绿色为主，离远就见到好靓嘅粉绿色，好高级嘅格调。我地叫左2只龙虾，一上枱见到都几大份。龙虾肉一切就成旧出秀，食得好方便，唔洗整污糟只手。肉就几大旧几鲜，唔错嫁。虎皮椒腰果牛柳粒，牛柳粒都几多，唔会韧好易咬。绿色𠮶啲椒有啲都几辣，我食到一粒好辣，所以食𠮶时唔好一啖摆落口。圣子皇，呢个好食。圣子好大好鲜，配上粉丝一流，粉丝吸晒啲鲜味。瑶柱蛋白炒饭，啲饭炒得几好，粒粒分明。瑶柱都几多，几乎啖啖都食到瑶柱。最后叫左个原个椰皇炖燕窝，上面系燕窝，下面系炖奶，仲有淡淡嘅椰子味，感觉都几养颜。