茶煲

营业中

休息中

听朋友讲呢个屋邨商场新开咗一间装修优雅嘅酒楼，价钱唔贵，而且都几好味。我哋大概两点到，可能新开无咩人知亦无咩宣传，客人并唔多。酒楼墙身，天花，櫈都用粉色，感觉清新别致，食物方面的确唔错，职员亦有礼，特别系收银小姐，有礼亦有笑容，价钱唔贵，两个人叫咗五个点心一个炒河，埋单$160有找。新鲜炸好嘅安虾咸水角外面脆里面烟韧。流沙奶皇包，热辣辣有流沙㗎，如果有埋咸蛋黄就更好味喇。鲜竹牛肉球感觉无咁某啲酒楼重碱水味，有多少少牛肉质感。金刚米网肠，里面脆卜卜，肠粉皮够滑，好味。呢款泰式炒河味道可以，但真系太多油喇，我食完碗剩好多油喺底。香脆蛋散，我好钟意呢款甜品，呢间系我食过第二间有呢款甜品嘅酒楼，做得唔错，全件都松化，唔会某啲厚嘅地方食落口系特别硬。