花香 (已結業)

近日尖沙咀好多镜仔打卡位，就出去热闹下之余，再揾一间靓靓既餐厅，食个饭，打个卡💕🌈牛油果彩虹沙律：色彩缤纷，样样都系好健康，又有虾，又有带子，牛油果熟得岩岩好，再配上黑椒生鸡蛋，几特别既食法。虾又够爽。🐔明太子盐酥鸡：粒粒鸡都好大哦～明太子酱唔会过咸又好味。🦀软壳蟹黄金咸蛋蝴蝶粉：系完整一只软壳蟹呀🤩配咸蛋味，好正，可以食唔停口。不过蝴蝶粉方面，就有少部分煮得未够淋。🗻粉红富士山白咖喱黑豚肉饭：一上菜就哇一声，好靓哦！咖喱都香同唔系辣个种，豚肉都有咬口，再配上咁靓既饭，无得输👍🏽☕️黑糖酒酿拿铁配悬浮棉花糖：友人一号的，上面仔猪仔，觉得可爱😍🥤竹炭云石拿铁：友人二号的，外表好有feel ，不过饮既时候，可能会出现好似食完芝麻糊咁，牙齿会变黑哦😄🍹Oreo曲奇奶盖茶：友人三号的，大大块曲奇，再有奶盖同茶既层次感，睇到都觉得靓。🍹脏脏草莓奶绿：系我啦！上菜时都几震撼，无谂过杯野都几大，同咁多cream，第一口食cream，好幸福呀，同好肥呀！真系天使与魔鬼既化身。杯饮品茶味就唔系好够，奶味都一般，唔知系咪食咗cream 先饮，所以觉得唔系好够味。整体来讲系用「价钱买漂亮」试吓一次半次都可以。