餃掂手工餃子雲吞專門店

今日约了好友行宠物展，行完大家都一袋二袋咁，超级攰，在会展附近揾咗呢间饺子店，事先打电话问用不用订位，店员话就咁到就可以，去到灯泡门面好亮丽，去到8成满，唔使等位比咗4人枱，浅木桌椅，枱面已有晒调味料及餐具！餐牌以饺子为主，饺子系中式，加啲前菜面食，款式唔算多，好快拣好落单！黄金原味皮蛋（$28）卖相靓，不过味道系咸蛋黄，加皮蛋蛋白，蛋白弹牙，咸蛋黄沙沙咸咸，特别但我未适应！咸豉油酸酸咸咸，几好粟米猪肉饺（跟汤）（$39/7只中碗）上嘅时候见汤嘅颜色唔似平时嘅上汤，饮落先知系粉葛赤小荳汤（状元九鼎汤）第一次见用老火汤去配饺子🥟但自己觉得唔夹（唔知北方人系唔系咁配搭）汤清爽（隔了渣）不过我都系𢳂起啲饺子点黑醋食食，饺子皮好掂，又薄又弹牙，入面粟米大大粒好甜，猪肉好多肉汁，肉嫩滑，好味！食晒饺子再饮老火汤，好味野生松茸素饺（$55/10只大碗）朋友食素，所以食素饺，佢仲食得出系清水渌，食咗一只，皮薄身弹牙，入面食唔出松茸味，反而系浓浓嘅荠菜+木耳味，味道清爽好味四川凉面（$28/小辣）配麻酱，麻酱另碗仔上，可自己控制份量（减肥中嘅我好欣赏呢点）黄面条弹牙，洒上炒香花生碎，青葱花，捞埋碟底嘅