新樂園魚蛋粉

营业中

休息中

📍新乐园鱼蛋粉平日放假中午起身，都钟意系宅附近揾野食，咁粉面其实系首选，简单方便。呢间我成日帮衬，因为大大间，有卡位，地方干净，选择又多，肚饿可以食焗饭。早餐可以叫快餐多士炒蛋。 粉面选择又多。牛腩牛丸伊面系我首选，佢哋啲牛腩唔系好多肥膏，偏瘦但淋身，有啲咬口唔酥。牛丸又爽口弹牙。我家人就偏爱佢哋扎肉，肉身爽口好味，当然都系拣伊面底。炸鱼皮好脆，粉面未到可以食住先，之后放汤浸浸再食又另一种食法。炸鸡翼都唔错，即炸，皮脆肉嫩，而且味道刚好。佢地个西洋蜜好香，我家人每次到饮，正。