蓮香樓 (已易手) 新餐厅

莲香楼系香港历史悠久既茶楼之一，好多游客都会慕名而去，但唔系游客既我一早已经转投佢既兄弟店莲香居怀抱，始终坐得较舒服，易揾位，同埋比较企理。不过莲香楼始终有其特色，点心车一出就要围住点心姐姐抢点心，同唔认识既食客好迫咁坐埋一枱，都只有呢种旧式茶楼可以体验得到，因有朋友未试过去莲香楼所以就同佢去食晏，午饭时间一贯多人难揾位，幸好啱啱有人起身走，都算快有位，点心叫左鹌鹑蛋烧卖，鸭掌柚皮，糯米鸡，虾肠，鲜虾粉粿，同埋叫左碗扬州炒饭，点心不过不失，虾肠既虾完全无味，不过值得一提既系扬州炒饭饭粒炒得粒粒分明，唔油，好食，可以叫一碗或者一碟，炒饭比点心更好~~