四季良晨 (新都城中心) (已結業)

天气咁热紧系带埋小朋友去泳池降下温。出黎个人都散晒唔想煮饭就出街食喇！将军澳泳出黎直去就只有新都城，真系太攰喇唔想郁，就谂住是但揾间就脚既食完返屋企。行过经过四季良晨，呢间台式食店多数都系去买台式饮品，好少食所以就望下夜晚有咩食，估唔到晚套餐都几岩食㖞，就入去开餐喇。食得台式餐厅紧系要食卤肉饭，我地就叫左炸排骨卤肉饭同埋盐酥鸡卤肉饭套餐，各跟原盅炖汤，同埋上汤浸时菜，成份餐有菜有肉仲有饭够晒饱。卤肉饭入边既卤肉𩠌粒粒分明，睇得好清楚系冬菇同肉粒咁。试过食过一d都唔知食紧系唔系卤肉汁加饭，谂起都怕怕。 炸排骨，外脆内软，香喷喷。盐酥鸡大大块，同样外脆内软，唔同既系盐酥鸡外层仲多左块鸡皮，脆卜卜口感丰富。原盅炖汤日日唔同，我地果日系冬瓜排骨粟米，好饮足料又够味道。