一粥麵 (大本型)

营业中

休息中

呢日我约咗朋友喺大本型行街，不过佢一早已经同屋企人食咗个大早餐，而我又急急忙忙赶出门口未食嘢，唯有去到商场食个快餐再集合。一心谂住「一粥面」都ok嘅，我见餐牌上嘅京都猪扒套餐又几吸引，就点佢灯啦。等咗十分钟有多，终于有嘢食。我一心以为就好似招牌上写嘅一样「fresh homemade」，点知碗白饭就已经穿哂煲，唔热不特止，仲好似喺微波炉叮完出嚟咁「硬倔倔」，而京都猪扒亦一样，温度唔冻唔热，肉味亦唔太新鲜。当时因为朋友已经到咗，我又唔想佢等太耐，唔系嘅话我一定会要求退钱或更换🤢🤮另外我要投诉嘅系几个服务员企喺水吧附近倾偈，啲食物刚由厨房拎出嚟，又未冚盖，佢哋继续喺侧边高谈阔论，互相研究点推销啲coupon，好唔卫生啫😑 唉 又一次中伏！