雞記潮州麵食

营业中

休息中

由于尖沙咀实在太多餐厅，如果唔系朋友介绍，我根本唔会留意到呢间粉面店😮。入座后见到店内张贴既报章，先知原来上过报纸。嘴刁既友人话呢度既炸鱼片头同紫菜墨鱼丸配捞面好好味，所以今次试左呢两款先😏。其实餐厅既榄菜肉卷同生煎墨鱼饼都好吸引我，只可惜刚刚已经食过正餐，唯有留待下次。炸鱼片头捞米粉 $39由于其中一位朋友唔食得碱水，所以转左米粉。米粉煮到偏硬身，系我中意既口感，碗底有好多黑豉油，少少甜，加上米粉吸汁力比粗面强，所以个人觉得比粗面好味。第一次食咁新鲜既炸鱼片头，外皮炸到焦脆、黄金，内里软弹，口感非常好。炸紫菜墨鱼丸捞粗 $39呢个捞粗油光油光，相当诱人!! 不得不赞呢个粗面十分爽口，系我食过最爽口既一间😮，不过碱水味好重，唔中意呢阵味既人就唔建议食佢。炸紫菜墨鱼丸好特别，新鲜炸出黎，紫菜好香好浓，丸中仲有唔少墨鱼粒，弹牙又有口感，推介!今次系我第一次食潮州粉面，所以我唔知佢正唔正宗，但如果同一般既粉面店相比，佢既面质煮得唔错，墨鱼丸亦几有特色，如果路经亦不妨一试。