菓甜品 (已結業)

女友心血来潮想食甜品当Dinner，尖咀行下揾下揾到间甜品舖，7点几入去当然仲有好多位~舖面唔算花巧抢眼。入面就几精致，小品餐厅，又有吧枱位坐。每张枱上面都有束小花，优雅清幽得黎又唔会阻住张枱放野。先黎茉莉花茶，甘甘地，再加上阵阵既花香味。士多啤梨奶昔，好浓烈既士多啤梨味，上面再加左cream，搅匀之后令到杯野更滑。芝士粟一烧，貌似粟米加牛油，但其实系芝士蛋糕加忌廉芝士，面粟米粒系粟米mousse黎，所以食落真系有粟米味，味道同呃like都系一流！抹茶窝夫伴云呢拿雪糕，窝夫本身加左抹茶一齐整，食落啖啖既抹茶味，另外再加上红豆同雪糕既甜味，绝配！黑森林窝夫伴瑞士朱古力雪糕，原味窝夫衬托住香浓朱古力薄片同雪糕，更加突显出朱古力既味道。丝丝入心，上面系朱古力心太软，开左之后入面啲朱古力酱流落下面个云呢拿雪糕到，热辣辣既酱配上冻冰冰既雪糕，好特别！椰香紫米露，好香椰汁味但唔系好甜，紫米一啲都唔硬，烟烟韧韧。