江川手打烏冬 (已結業)

第一次帮亲江川系食寿司，见到电视广告知道开咗手打乌冬就第一时间去试。个晚星期四，８点几已经有条龙啦，等咗15分钟到。未入去已经知道呢间既装修好靓呀，出面白雪雪，一入去四面墙都系雪景，个feel几浪漫。个日同男友拍拖去食，我叫咗黑豚金菇露笋卷，配粟米汤底 (本身好钟意饮粟米汤，所以必叫)。第一时间试汤底，好正! 好有日本𠮶啲粟米汤味，够"杰"，最紧要系够热。乌冬弹口，又唔会太淋。(下次一定要试埋佢𠮶番茄汤底...)男友叫和牛炒饭，好足料，有好多和牛 (试过系另一间餐厅叫，真系得几旧...好揾笨=_=""")呢到小食种类都算几多，最衰得二个人，唔叫得几多。拣咗一个叫 "味付一点缀" (觉得个名几得意)，原来系炸豆腐干，鱼肉同冬菇，上面仲有蟹子，口感几好。仲叫咗青口，少少辣，连埋金菇好嘢味。不得不提系佢地既餐具，虽然系胶，但个感觉好似系玻璃，好有心思。二个人食到饱饱都系差唔多二佰蚊，真系唔算价。唯一唔好既系啲饱肚嘢 (饭/乌冬) 竟然嚟先过啲小食，到啲小食嚟时已经半饱...