大家樂

营业中

休息中

近日出差系铜锣湾返工, 跟同事一齐食 Lunch 感觉哩头食饭好鬼贵，希望揾D平价 Lunch, 而大家都唔想买外卖想出去行吓，所以想试吓三大连锁店，第一以平为主，第二先系味道，揾出平令正餐厅。香港三大中式连锁快餐店，美心MX，大快活，大家乐。太兴唔合要求，因为贵!早前去咗美心MX试试，结果系一般，今次去大家乐。大家乐暂时系最满意，未去铜锣湾出差之前，已经知道佢地 Lunch 时刻有D三十令蚊嘅套餐，当时食过一个三十令蚊荷叶饭，质素唔差。今次嘅栗米肉粒饭，连冻绿茶，41蚊!以前食栗米肉粒饭，总系肉粒硬又韧，栗米汁系玻璃汁一系淡茂茂一系咸到食，最多都系有D蛋花，睇见唔开胃!但大家乐嘅栗米肉粒饭,肉粒松软，不单只有栗米重有我大爱三色豆，最正系栗米汁，金黄色好吸晴又好味唔会太咸味道适中，质素好过不少茶档，如果系正公司楼下绝对会成为我的饭堂!可惜大家乐同公司有段距离.大家乐冷气足，加分!同事好似嫌远，想试埋大快活，okay，下次去大快活睇睇咩环境。