Meltlyplace (已結業)

每年咁多人生日食蛋糕都食到闷，食嚟食去都系果几样，唔系芝士蛋糕就系朱古力蛋糕。最近同事生日谂买咩蛋糕都好烦恼，皆因佢好拣饮择食既。而且我哋系中环半山返工，附近基本上系冇选择，就得𠮶两间蛋糕/面包店有得买，咁就上网睇下佢有啲咩蛋糕啦！点知⋯⋯粟米⋯⋯蛋糕⋯⋯粟米蛋糕？咁健康食材，用来做蛋糕？真系未试过亦都冇谂过会有粟米嘅蛋糕。粟米蛋糕外观睇上去很白雪雪，上面仲有啲粟米围左个圆圈，好过瘾。切开个蛋糕之后原来入边真系都仲有粟米粒粒，十分惊喜，未切完个蛋糕个个都好想试食啦！放入口第一下感觉系冰冰凉凉的慕斯加上脆脆的饼底，几秒之后⋯⋯一阵阵嘅粟米味系个口到散发出嚟，感觉好神奇，充满奇妙嘅错乱咁。到底食紧粟米定系蛋糕？再食落去，就觉得个蛋糕有点甜⋯⋯好点⋯⋯太甜。如果你生日想有啲惊喜又有啲特别的味觉经验，粟米蛋糕真系不妨一试。