豆漿大王

营业中

休息中

中式早餐新蒲岗工厂区豆浆大王，好多人排队堂食同埋等外卖。必叫既系粢饭，落单时可以请店员对半剪开，加钱可以加肉松/ 加炸菜/加油炸鬼/全加。落单时就收到预告要等好耐。等咗大约廿分钟，终于有得食。粢饭大约1/3条油炸鬼长度，油炸鬼极之酥脆，但又唔会馋口，加上炸菜微辣咸香惹味，肉松甘香松化，糯米粒粒结实分明，实在系值得等待。另外叫咗咸豆浆，有油炸鬼，虾米，炸菜，葱花，如果有麻油会重香。无糖热豆浆，可以自己加糖调味。薄煎豆腐一碟三件，小肉饼酿豆腐煎得香嫩。热豆浆加油炸鬼。油炸鬼原来系即叫即炸，同粢饭一样，都系要等待。