豆漿大王

营业中

休息中

呢排去新蒲岗做运动，因为做运动唔可以食太饱，所以就拣左去食豆浆大王，无疑是一家粢饭爱好者的天堂。店内环境简单明亮，但keep住多人，系会有少少挤逼感，不过还可接受。上次食咸豆浆觉得比较一般，所以今次试佢哋嘅招牌粢饭。因为粢饭要即整，所以都真系要啲时间去制作同等，不过的确高质，因为啲首先米饭绵密Q弹，唔会太腍啤啤，系有咬口，而且佢哋嘅配料都做得唔错，油炸鬼真系坚脆，当然我唔知如果外卖会唔会腍左，但现场食的确正，榨菜系有再炒过下，所以会干身啲，同有口感，肉松份量唔叫多，不过系脆嘅，我估因为佢个糯米饭比较干无咁湿，少啲水气，令啲配料脆好多。