上海美華菜館 (已結業)

晨早流流，同事话好想出去食个有力量嘅早餐。于是我哋就去咗公司附近呢间上海美华餐厅。同事同我分别每人叫了一个粢饭，佢要咸豆浆，以我叫了一杯冻豆浆。粢饭真系好多了好多材料，条油炸鬼仲好脆下，入入面除咗有油炸鬼仲有榨菜同肉松。材料真系好够㗎 ！我觉得食完之后真系充满力量啊。至于咸豆浆我同事话好好味㖞，好够味，但我个人就觉得怪怪地（利申：我无试！），冻豆浆都算有豆味嘅，不太甜，普普通通中规中矩嘅一杯豆浆啦！耐唔耐食下上海食上海式早餐都唔错㗎 ！好过成日食西餐早餐咁闷啊！